Abaturage 600.000 muri Gabo ni bo batoye mu matora y'umukuru w'igihugu, barimo abashyigikiye perezida Ali Bongo (Ibumoso) n'abashyigikiye Jean Ping (Iburyo)

Perezida wa Gabon, Ali Bongo, n’uwo bahanganye mu matora, Jean Ping, bombi batangaje ko batsinze amatora y’umukuru w’igihugu yo ku wa Gatandatu. Bombi kandi bashinjanye kwiba amajwi.

Bwana Ping yabwiye abamushyigikiye ko yatsinze amatora kandi ko ategereje ko Bwana Bongo amuhamagara akamucyeza, Itsinda ry’abakorana na Bwana Bongo ryo ryavuze ko biteguye mu nzira yo gutegeka manda ya kabiri.

Minisitiri w’ubutegetsi yavuze ko binyuranye n’amategeko kuba hagira umukandida witangaza ko yatsinze, yavuze ko amajwi y’amatora atangazwa na komisiyo y’amatora gusa.

Bwana Ping wahoze ayobora Umuryango w’ibihugu bya Afurika Yunze Ubumwe (AU) ari kugerageza kuvana umuryango wa Bongo ku butegesti ubumazeho imyaka igera kuri 50.

http://www.bbc.com/gahuza/amakuru-37209635

Posté le 29/08/2016 par rwandaises.com