Rwanda : Madamu wa Perezida wa Repubulika arasaba Ababyeyi gukomeza kugira uruhare rugaragar mu iteramebere ry’igihugu

Jeannette Kagame Madamu wa   wa Prezida wa Republika,   arasaba  abana b’abakobwa batsinze neza amasomo yabo mu mwaka ushize w’2010, ndetse  n’ababyeyi bagaragaje  ibikorwa ntanga-rugero  by’impuhwe,  byo kwitangira abandi mu burezi   bazwi ku izina  rya  “marayika murinzi”  bo  mu turere twa  Nyabihu, Rubavu na Musanze; ko bakomeza   kugira uruhare rugaragara mu iterambere ry’igihugu  bakaba   n’ intangarugero mu muryango nyarwanda. .

Ibi yabivugiye mu muhango wo kubahemba,  wabereye ku cyicaro cy’akarere ka Nyabihu ,  wakomatanijwe no kwizihiza  umunsi mukuru mpuzamahanga    wahariwe abagore:

Umuhango  wo  guhemba abana b’abakobwa batsinze neza  amasomo yabo  mu mwaka w’amashuri w’2010 no guhemba ba Marayika murinzi bo  mu turere twa   Nyabihu, Rubavu na Musanze  wayobowe na Nyakubahwa Jeannette KAGAME  madamu wa Prezida wa Republika y’u Rwanda.

Muri ibi birori Umuyobozi w’akarere ka Nyabihu bwana Nsengiyumva Jean Baptiste,    mu ijambo rye ry’ikaze yavuze ko   kuba gahunda yo guhemba abanyeshuri b’abakobwa  bitwaye neza  mu bizamini by’umwaka ushize ndetse no guhemba ba marayika murinzi mu karere abereye umuyobozi  bihuriranye  n’umunsi mpuzamahanga  w’abagore  ari mahire kuko  bifite ubutumwa  bwiza  bitanga mu muryango nyarwanda.

Naho Guverneri w’intara y’iburengerazuba,   utu turere dutatu   duherereyemo  ariwe  Bwana KABAHIZI   Celestin yavuze ko nubwo bwose kuri  uyu munsi hizihizwa ibyiza abagore bamaze kugeraho,   ko hakiri  ibibazo bindi  byugarije umugore,  ati muri byo harimo ubucyene n’ubujiji , kubyara indahekana, ndetse n’ihohoterwa rikorerwa mu ngo  ati ariko ibyo ntawe bikwiye guca intege kuko ubuyobozi bw’ inzego zinyuranye  hari ingamba zafashe zo kurwanya ibyo bibazo ahanini zikaba zibanda ku bukangurambaga buhabwa abaturage.

Umunyabanga wa leta muri ministeri y’uburezi Bwana HAREBAMUNGU Mathias  nawe wari  witabiriye  uyu muhango avuga  ku nshingano y’abarezi yagize  ati  :

« abarezi nibamenye ko kurera Atari gutanga witangiiriye itama,  ahubwo  kurera nukwitanga wese wese. »

Umushyitsi mukuru muri uyu muhango  Nyakubahwa Jeannette Kagame  madamu wa Prezida wa Republika  yasabye abahembwe  kudacogora mu bikorwa byiza  :

Sagahutu SEMANZA  na ISHIMWE Pacifique ni bamwe mu bahembwe  baganiriye na Radio Rwanda maze bayibwira akabari ku mutima :

Iyi gahunda yo guhemba abana b’abakobwa  b’indashyikirwa  bazwi ku izina  ry’inkubito y’icyeza yatangijwe na Madamu  wa prezida wa Republika Jeannette KAGAME muw’ 2005 ibihembo byibandwaho mu kubahemba  bikaba bigizwe ahanini  n’ibikoresho  by’ishuri binyuranye  birimo na mudasobwa igendanwa,    hakaba hahembwa abana b’abakobwa batsinze neza mu byiciro binyuranye by’amashuri harimo abarangije amashuri abanza, ayikiciro rusange n’ayisumbuye   naho  ba malayika murinzi  bo  bakaba bahembwa  inka

Jean de Dieu RUGIRA

ORINFOR  NYABIHU

http://www.orinfor.gov.rw/printmedia/topstory.php?id=2378

Posté par rwandaises.com