Muri iki gihe u Rwanda rwibuka Jenoside yakorewe Abatutsi muri Mata 1994, ndetse no muyindi minsi yose birakwiye kwirinda gukoresha imvugo zibonetse zose zikomeretsa cyangwa zigapfobya Jenoside yakorewe abatutsi kuko hari inyito zabugenewe zikwiye gukoreshwa . Ntibavuga
1. Intambara yo mu1994
2. Intambara ya Jenoside
3. Itsembabatutsi
4. Itsembatsemba
5. Itsembabwoko
6. Itsembabwoko n’itsembatsemba
7. Ubwicanyi bwo mu 1994 cyangwa Isubiranamo ry’amoko
8. Jenoside y’Abatutsi
9. Jenoside yo mu Rwanda
10. Amahano yabaye mu Rwanda
11. Ibyabaye mu 1994.
Nk’uko twabivuze haruguru ntibakoresha izi mvugo kuri Jenoside ahubwo Bavuga, « Jenoside yakorewe Abatutsi »
12. Ntibavuga Amagufa cyangwa Ibisigazwa by’abazize Jenoside, bavuga Imibiri y’abazize Jenoside yakorewe Abatutsi.
13. Ntibavuga kubika neza ibimenyetso by’abazize Jenoside, bavuga Kubungabunga ibimenyetso by’abazize Jenoside yakorewe Abatutsi.
14. Ntibavuga gushyingura ibisigazwa, bavuga gushyingura imibiri y’abazize Jenoside yakorewe Abatutsi.
15. Ntibavuga Amarimbi y’abazize Jenoside, bavuga Inzibutso za Jenoside yakorewe Abatutsi.
16. Ntibavuga Abacikacumu, bavuga Abacitse ku icumu cyangwa Abarokotse Jenoside yakorewe Abatutsi.
17. Ntibavuga Ingengasi ya Jenoside, bavuga Ingengabitekerezo rya Jenoside.
18. Ntibavuga guhamba abazize Jenoside, bavuga gushyingura mu cyubahiro imibiri y’abazize Jenoside yakorewe Abatutsi.
Insanganyamatsiko yo Kwibuka Jenoside yakorewe abatutsi muri uyu mwaka wa 2017, iragira iti » Twibuke Jenoside yakorewe Abatutsi turwanya Ingengabitekerezo ya Jenoside dushyigikira ibyiza twagezeho ».
http://www.umuryango.rw/imikino/article/kwibuka-23-imvugo-zidakwiye-gukoreshwa-kuri-jenoside-yakorewe-abatutsi#sthash.zk29SbMP.gbpl
Posté le 10/04/2017 par rwandaises.com
