Peter A. Kamasa
Ku cyumweru
Kiyovu Sports 0-3 ATRACO FC
KIGALI – Kuri iki cyumweru nibwo hakinwe umukino wo ku munsi wa 7 wa shampiyona aho ATRACO FC yanyagiye Kiyovu Sports ibitego 3-0, Jean Marie Ntagwabira umutoza wa Kiyovu akaba yemeza ko agifite byinshi byo gukosora mu ikipe ye.
Jean Romami ku mu 11 niwe watsinze igitego cya mbere, Daddy Birori atsinda igitego cya kabiri ku munota wa 20, Jean d’Amour Uwimana niwe waje gutsinda igitego cya 3 cyaciye intege cyane Kiyovu, ibitego byose bikaba byaratsinzwe mu gice cya mbere.
Umutoza Jean Marie Ntagwabira nyuma y’umukino yabwiye abanyamakuru ko yagize ibyago kuza mu ikipe ya Kiyovu igihe cyo kugura abakinnyi cyararangiye akaba ari nayo mpamvu bimigora cyane akagenda atakaza imikino myinshi.
Akomeza avuga ko kwegukana shampiyona uyu mwaka bigoranye ariko akaba agiye gukora uko ashoboye kugira ngo agumane aba bakinnyi beza afite ndetse azashake n’abandi mu gihe cyo kugura.
Umutoza wungirije wa ATRACO FC, Emmanuel Ruremesha yavuze ko gutsinda uyu mukino bigaruye icyizere cy’uko hakiri amahirwe yo kwitwara neza muri shampiyona.
Aha yaboneye ho kuvuga ku ikipe ya Etincelles iyoboye urutonde rwa shampiyona rw’agateganyo abona ishoboye kuko yitwara neza ariko akavuga ko atarabona aho ikina gusa atakereza ko ari ikipe ihagaze neza, kuko kugeza ubu ari yo iri imbere y’izindi kipe.
Urutonde rw’agateganyo rwa shampiyona
amakipe umunsi amanota ibitego azigamye
1. Etincelles 7 19 6
2. APR FC 7 16 9
3. ATRACO FC 7 16 5
4. Rayon Sports 7 13 5
5. Police FC 7 11 2
6. Electrogaz FC 7 10 -1
7. Kiyovu Sports 7 9 -3
8. Amagaju FC 7 7 0
9. Musanze FC 7 6 -3
10. Mukura Vs 7 6 -7
11. AS Kigali 7 5 -6
12. Marines 7 1 -9
http://www.izuba.org.rw/index.php?issue=338&article=11509
Posté par rwandaises.com
