Capt Karuta J.M.V uregwa gukorana na Ingabire Victoire yangiwe kurekurwa

Kuri uyu wa mbere urukiko rwa Gasabo ruburan isha urubanza rwa Capt Jean Marie Karuta, uyu akab a aregwa gukorana na Ingabire Victoire, rwamwangiye kurekurwa. Icyo akaba ari icyifuzo yari yatanze kuwa kane ushize ubwo yageraga imbere y’urukiko bwa mbere, asaba ko yaburana ari hanze.

Nk’uko amakuru dukesha Rwanda News Agency abivuga ngo urukiko rumaze gusuzumana ubushishozi icyifuzo cye rwasanze ashobora gufunguRwa akaba yatoroka agasubira mu mashyamba ya Congo aho yahoze muri FDLR. Akaba ari yo mpamvu adashobora kwemererwa kuburana ari hanze kuko umutekano w’igihugu ushobora kuhahungabanira.

Twamenyesha abakunzi ba IGIHE.COM ko urubanza rwa Capt Karuta ruregwamo abandi basirikari ba FDLR batatu, bakaba bose bashinjwa gufatanya na Ingabire Victoire gushinga indi mitwe y’iterabwoba.

SHABA Erick Bill

http://urwatubyaye.over-blog.com/article-capt-karuta-j-m-v-uregwa-gukorana-na-ingabire-victoire-yangiwe-kurekurwa-50346546.html

Posté par rwandanews.be