Ibi Bwana Amsberg yabitangaje kuri uyu wa Gatandatu nyuma yo kubonana na Perezida Paul Kagame muri Village Urugwiro, akaba ari mu ruzundiko rw’iminsi itatu mu Rwanda mu rwego rwo kwihera amaso iterambere igihugu kimaze kugeraho.
Ubwo yaganiraga n’itangazamakuru nyuma yo kubonana n’Umukuru w’Igihugu, Bwana Amsberg yavuze ko yatangajwe n’ibyo yiboneye birimo iterambere ry’igihugu ryihuse nyuma yo gusura imishinga itandukanye iterwa inkunga na Banki y’Isi irimo irebana n’ingufu.
Amsberg agira ati: “Naje hano gushimira Perezida ku byiza u Rwanda rwagezeho ndetse no kwemera gukomeza gutera inkunga gahunda z’iterambere z’igihugu”.
Bwana Amsberg avuga ko Banki y’Isi ikorana bya hafi na guverinoma y’u Rwanda, aho u Rwanda ari rwo rugaragaza inkunga rukeneye mu bwoko no mu ngano ku bafatanyabikorwa barwo b’iterambere.
Yongeyeho kandi ko u Rwanda rufite uburyo bwiza bwo gukorana n’abafatanyabikorwa barwo mu iterambere ngo ku buryo Banki y’Isi yiteguye gutanga inkunga yayo muri izo gahunda igihugu gishyize imbere.
Visi Perezida wa Banki y’Isi Joachim Von Amsberg
ubwo yagiranaga umubonano na Perezida Kagame
Perezida Kagame aramukanya n’intumwa zari zazanye
na Visi Perezida wa Banki y’Isi
Bwana Amsberg aganira n’abanyamakuru
Foto: Urugwiro Village
Emmanuel N.
