Published 3 days ago  by

Ni kunshuro ya gatatu ishuri  ry’imari n’amabanki SFB ritegura igikorwa cyo gutora Nyampinga uhiga abandi mu buhanga ndetse n’u buranga. Mu bakobwa 10 bari bitabiriye iki gikorwa, uwahize abandi ni Natacha UWAMAHORO, wabashije kuba miss SFB 2011.

Natacha UWAMAHORO wabaye Miss SFB 2011

Natacha UWAMAHORO wabaye Miss SFB 2011

Abakobwa bose uko ari 10, bahataniraga umwanya wa miss SFB 2011, harimo Olivia Gahongayire wari wambaye no1, Mahoro Donna wari wambaye no2, Marie Ange Mukamudenge wari wambaye no3, Natacha Uwamahoro wari wambaye no4, Anne Marie Mukarwego wari wambaye no5, Rachel Umukunzi wari wambaye no6, Teta Sandra wari wambaye no7, Carmen Akineza wari wambaye no8, Joyeuse Gatera wari ufite no9 ndetse na Fabiola Ishimwe wari wambaye no10.

Bamaze kwiyereka bambaye imyenda yari mu bwoko butandukanye, bakanabazwa ibibazo bitandukanye, mu ngero nyinshi, hakurikiyeho gutangaza amanota yavuye ku mbuga za internet, mu gihe  akanama gashinzwe gutanga amanita kuri ba Nyampinga kari kagitegerejwe.

Aha bari bambaye imyambaro y'abanyafurika

Aha bari bambaye imyambaro y’abanyafurika

Bavuye mu mwiherero, abagize akanama gatanga amanita, batangaje ko Natasha UWAMAHORO w’imyaka 19 y’amavuko, ariwe wegukanye ikamba rya Miss SFB 2011ku bwiganze bw’amanota 77,6.  Carmen Akineza niwe wabaye igisonga cya mbere, Sandra Teta  ku manota 74,6 yabaye igisonga cya Kabili., Miss uberwa n’amafoto yabaye Carmen Akineza, naho Miss Populaire aba Rachel Umukunzi.

Carmen Akineza wabaye igisonga cya mbere ahabwa igihembo cy'amafaranga ibihumbi 400

Carmen Akineza wabaye igisonga cya mbere ahabwa igihembo

Umushyitsi mukuru muri ibi birori yari w’urubyiruko Protais Mitali, washyikirije igihembo kingana na n’ibihumbi Magana ane, uwari umaze kwegukana ukwanya wa miss SFB 2011, ariwe Natacha UWAMAHORO. Minisitiri Protais Mitali kandi yijeje abategura ibi bikorwa ko Minisiteri y’umuco na siporo izakomeza kubafasha.

Iki gikorwa kikaba cyaratewe inkunga n’ibigo bitandukanye nka MTN, Bralirwa, Kalaos Media design, Real Contructors, Inama nkuru y’urubyiruko, Horizon Group, marina Interiors,Inyarwanda.com, Sulfo Rwanda, Umuryango.com, Camellea Tea House, ORINFOR, BK, n’ibindi.

Minisitiri Mitali aha igikombe Nyampinga SFB 2011

Minisitiri Mitali aha igikombe Nyampinga SFB 2011

Ibigo bitandukanye byatanze ibihembo, aho Natasha Uwamahoro miss SFB 2011, yahawe igihembo cy’amafaranga ibihumbi 700, telefoni y’agaciro k’amafaranga y’uRwanda ibihumbi 130,n’ibikoresho bya sulfo. Igisonga cya mbere Carmen Akineza yahawe amafaranga bihumbi 400 naho Sandra Teta wabaye Igisonga cya 2 yahawe ibihumbi 300. Buri mukobwa witabiriye amarushanwa yatahembwe amafaranga y’uRwanda ibihumbi 30, n’ibindi bihembo bitandukanye bikaba byaragiye bitangwa.

Abahanzi batandukanye b’abanyarwanda bari baje ari benshi gususurutsa iki gikorwa, bakaba baranabashije gushimisha abari bitabiriye igikorwa cyo gutora miss SFB 2011. Muri abo bahanzi bari bitabiriye harimo  Dream Boys, Knowless, King James, Uncle Austine, Kitoko, Danny, Kamichi n’abandi benshi batandukanye, babashije gususurutsa imbaga nyamwinshi.

Umuhanzikazi Paccy nyuma yo kubyara yongeye kwiyereka abakunzi be

Umuhanzikazi Paccy nyuma yo kubyara yongeye kwiyereka abakunzi be

Abahataniraga kuba Nyampinga wa SFB

Abahataniraga kuba Nyampinga wa SFB

Miss NUR yaje gushyigikira uri butorwe

Miss NUR yaje gushyigikira uri butorwe

Miss SFB 2011 yambikwa ikamba nuwo asimbuye

Miss SFB 2011 yambikwa ikamba nuwo asimbuye

Photos Daddy Sadiki

Daddy Sadiki RUBANGURA
UMUSEKE.COM

umuseke.com/2011/11/06/natacha-uwamahoro-niwe-wabaye-miss-sfb-2011/

Posté par http://www.rwandaises.com