Gen Kabarebe ahererekanya ububasha na Maj Gen Karasira yamwijeje kuzamuba hafi

Gen Kabarebe ahererekanya ububasha na Maj Gen Murasira

Kuri uyu  wa Mbere ubwo Gen James Kabarebe yahererekanyaga ububasha na Maj Gen Major Albert Murasira yamwijeje gukorana bugufi kandi ngo ubufasha bwose buzakenerwa azabutanga. Umuhango wo guhererekanya ububasha wabereye mu Nyubako ya Minisiteri y’ingabo.

Wari witabiriwe n’umugaba mukuru w’ingabo zirwanira ku butaka Let Gen Jacques Musemakweli, Gen Fred Ibingira umugaba mukuru w’inkeragutabara( reserve force) n’abandi bayobozi bakuru mu ngabo z’u Rwanda.

Nyuma yo guhererekanya ububasha Minisitiri mushya w’ingabo z’u Rwanda, Major Gen Albert Murasira yavuze ko azakomereza mu murongo n’ibikorwa by’uwamubanjirije.

Ati: “ Kuba muri iki gihugu dufite umutekano ni uko hari abaharaniye ko ugerwaho barimo ingabo, inzego z’umutakano n’abaturage muri rusange. Tuzakorana kandi n’abandi bihugu mu kugarura umutekano no mu bindi bihugu ku isi.”

Maj Gen Murasira abaye Minisitiri w’ingabo wa 20 kuva u Rwanda rwabona ubwigenge muri 1962.

Minisitiri w’ingabo z’u Rwanda niwe ushinzwe gushyiraho politiki zigenda ingabo, uko ingabo zitwara ndetse na gahunda z’ibikorwa byazo.

Posté le 22/10/2018 par rwandaises.com