Bimwe mu byibukwa kuwa 11 Gicurasi mu mateka y’isi
11/05/1981 : Nibwo Hatabarutse Nesta Robert Marley wari uzwi cyane ku izina Bob Marley. Yaririmbaga urukundo n’amahoro mu mibanire y’Abantu n’abandi. Yabaye icyamamare mu muzika wa Reggae, yitwa n’Umwami wayo. Yari yaravutse kuwa 06/02/1945. Yagurishije disques zirenga miliyoni 200, hatabariwemo izakomeje kugurishwa nyuma y’urupfu rwe.
11/05/1760 : Mu mutuzo mwinshi, abatuye Quebec batunguwe no koherezwaho ibisasu biremereye n’Ingabo z’Ubufaransa.
11/05/1867 : London yemeye ubwigenge n’ubutabogama bwa Luxembourg
11/05/1930 : Muri Argentine, ikinyamakuru La Razon, cyatangaje ko Polisi yari imaze kuvumbura agatsiko k’abantu bakora nka (entreprise) bacuruza inkumi mu buraya bw’umwuga, icyo gihe hamenyekanye 15,000 by’abanyaburayikazi bashyizwe muri uwo murongo (network)
11/05/1968 : Georges Pompidou yagarutse avuye muri Iran, abohora abanyeshuri bari barafashwe bugwate.
11/05/1973 : Indege Ilyushin 18 ya compagnie Aeroflot yasandariye i Semipalatinsk muri Kazakhstan ihitana abantu 61
11/05/1985 : Inkongi y’umuriro ku kibuga cya i Bradford mu Bwongereza, yahitanye abantu 54.
11/05/1987 : Haciwe urubanza rwa Klaus Barbie, umwe mu banazi bakomeye bari barivuganye imbaga akoresheje Gaz. Yakatiwe gufungwa burundu afite imyaka 78, atabaruka muri 1991.
11/05/1993 : Nibwo Ubwongereza bwakiriye Umwanditsi Salman Rushdie, wari warakatiwe urwo gupfa na Leta ya Iran, kubera kutavuga rumwe n’abayobozi bayo.
11/05/1996 : Indege DC-9 ya Valu-Jet yagize impanuka ihitana abantu 110.
11/05/1999 : Michaël Jackson yahamwe n’icyaha cyo gukoporora indirimbo y’Albano akayiyitirira. Urukiko rwa Roma rwagaragaje ko amanota 37 kuri 40 asa nk’intobo.
11/05/2002 : Umugore wa mbere w’Umusifuzi mu mateka ya Football ni bwo yabonetse. Yitwa Nelly Viennot, atangirira ku mukino wa nyuma w ‘igikombe cya France.
11/05/2004 : Alfred Maseng, Perezida wa Repubulika ya Vanuatu yegujwe nyuma y’ukwezi kumwe gusa, ahita asimburwa by’agateganyo na Roger Abiut
11/05/2004 : Perezidante Gloria Arroyo yatsinze amatora y’Umukuru w’igihugu muri Philippines.
11/05/2004 : Ishami rya Gisirikare muri Mexique ryatangaje ko ingabo zabo zirwanira mu kirere zabonye ibintu 11 bitazwi mu kirere cy’isi (OVNI), hatangizwa ubushakashatsi bwo kubicukumbura.
SPECIAL BOB MARLEY HANO KURI RWANDAISES.COM
NTWALI John Williams (photos Rwanda – Géo)
http://www.igihe.com/news-7-62-4612.html
Posté par rwandaises.com
