Published 8 hours ago 2011/07/27 at 8:51:32 am GMT by umuseke1
Mu ruzinduko rw’iminsi 4 President wa Uganda Yoweri Museveni azatangira mu Rwanda kuri uyu wa gatanu, azakorana igikorwa cy’umuganda na President Paul Kagame ku wa gatandatu nkuko itangazo rya Ministeri y’ububanyi n’amahanga ribizvuga.
Museveni, uheruka mu Rwanda 2009, agarutse gushimangira umubano w’ibihugu byombi, no kureba uburyo ababituye bakungukira muri uyu mubano nkuko itangazo rikomeza.
Uruzinduko rwe rurabanzirizwa n’umubonano wa ba Ministre b’Ububanyi n’Amahanga b’ibihugu byombi, Louise Mushikiwabo na Sam Kutesa, bagamije kuvugana ku mibanire y’ibihugu byombi.
Usibye kubonana na President Paul Kagame, no gukorana umuganda ahantu hataramenyakana, Yoweri Kaguta azanasura ahari kubakwa Free Trade Zone I Masoro, ahure n’abagande batuye I Kigali, ayobore ikiganiro n’abanyamakuru we na President Kagame, maze atahe.
Umuseke.com
http://umuseke.com/2011/07/27/museveni-azakora-umuganda-mu-rwanda-kuri-uyu-wa-gatandatu/
