Mu Rwanda Abadepite Batangiye imirimo Yabo

06/10/2008

 

Abadepite Batangiye Imirimo Yabo – Umva (MP3) audio clip
Rwanda Parliament/Kabonero – Umva (MP3) audio clip

Abadepite batowe batangiye imirimo yabo. Madamu Mukantabana Rose, umutegarugori w'imyaka 47 y'amavuko, niwe watorewe kuyobora umutwe w'abadepite. Yungirijwe na Depite Polisi Deny hamwe na Depite Dr. Ntawukuriryayo J.Damascene.

 

Depite Mukantabana Rose yegukanya umwanya wa Perezida w'umutwe w'abadepite, atowe n'amajwi 70 kuri 80 y'abadepite bose bagize uwo mutwe. Uwo bari bahanganye kuri uyu mwanya, Depite Mukama Abbas yabonye amajwi 10 yonyine. Perezida w'umutwe w'abadepite, yinjiye mu nteko ishinga amategeko yaturutse mu badepite bahagarariye abagore bo mujyi wa Kigali.

 

Aba visi Perezida b'umutwe w'abadepite, Polisi Deny Visi Perezida wa mbere, aturuka mu ishyaka rya FPR akaba yari no muri biro y'inteko yacyuye igihe mu kwezi kwa 8 mu mwaka wa 2008. Naho Dr. Ntawukuriryayo J. Damascene, Visi Perezida wa Kabiri aturuka mu ishyaka rya PSD, akaba yari minisitiri w'ubuzima.

 

Ikigaragara nyuma yo kurahira kw'abadepite, ni uko bishoboka ko na guverinoma nayo izavugururwa, kuko aho muri guverinoma hasigaye hari icyuho kigaragara. Cyane cyane muri minisiteri y'ubuzima  yayoborwaga na Dr. Ntawukuriryayo J. Damascene.

 

Umutwe w'abadepite ugizwe n'abadepite b'abagore 45 ku badepite bose hamwe 80.